Испаниялик таниқли журналист Херар Моренонинг сўзларига кўра, "Челси" аллақачон жамоанинг кейинги сардори ким бўлиши ҳақида бош қотира бошлаган. Негаки, ҳозирги етакчи Сесар Аспиликуэта келаси ёзда "Барселона"га йўл олади.
Испания терма жамоаси аъзоси қарийб ўн йиллик муддатдан кейин ўз юртига қайтади. У ҳозирга қадар "Челси" сафида 450та ўйинда майдонга тушган.
Аспиликуэта бу муддат давомида 2 марта Англия чемпиони, ЕЧЛ, ЕЛ ҳамда мамлакат кубокларини қўлга киритган. "Барселона" эса ўз сафига тажрибали ҳимоячини қўшиб олишдан жуда хурсанд бўлади.
