Франциялик вингер Кингсли Коман ва "Бавария" ўртасида шартномани узайтириш учун музокаралар боши берк кўчага кириб қолган.

Германиянинг "Bild" нашрининг хабар беришича, жамоа рахбарияти бош мураббий Юлиан Нагельсманнга Коман билан шартнома имзолаш деярли имконсиз эканлигини тушунтирган. Энди мутахассис ўз шорт-листидан ўрин олган футболчиларни клуб мутасаддиларига тақдим этади ва яқин орада улар билан музокаралар бошланади.

Қайд этиш жоиз, Бундеслиганинг 2021/22 йилги мавсумида 25 ёшли Коман 15 ўйинда иштирок этиб, 4 гол урди.