ПСЖнинг "Спортинг" сафида ижарада ҳаракат қилаётган ҳужумчиси Пабло Сарабия фаолиятини яна Испанияда давом эттириши мумкин.
"Le Parisen" нашрининг хабар беришича, "Атлетико" раҳбарияти ёзда жамоа ҳужум чизиғини кучайтиришни истамоқда. Хусусан, "Пари Сен-Жермен"га тегишли бўлган Пабло Сарабияга жиддий қизиқиш билдирмоқда. Клуб уни ёзги трансферлар ойнасида сотиб олмоқчи.
Қайд этиш жоиз, ҳозирда 29 ёшли футболчи Португалиянинг "Спортинг" клуби шарафини ҳимоя қилмоқда. У жорий мавсум миллий чемпионат доирасида 11 ўйинида майдонга тушиб, 3 гол урди ва яна шунча голли узатмани амалга оширди.
