Испанияда коронавирус билан касалланиш кўпайиб бораётганлиги сабабли, спорт тадбирларига мухлислар ташрифининг чеклов чоралари жорий этилди.

Футболга (бошқа очиқ ҳаводаги тадбирларга) максимал ташриф 100 фоиздан 75 фоизгача камайтирилди, баскетбол (ёпиқ бинолар остида ўтказиладиган тадбирлар) эса 80 фоиздан 50 фоизгача қисқартирилди.

Стадионларга ташриф буюришнинг асосий шарти - тиббий ниқоб мавжудлиги, ареналарда чекиш ва овқатланиш таъқиқланади. Фақатгина мухлисларнинг сув ичишларига рухсат берилади.

Испания Ла Лиганинг 19-турини 31 декабрь куни бўлиб ўтадиган «Валенсия» ва «Эспаньол» жамоалари ўртасидаги учрашув очиб беради. Турнинг қолган ўйинлари эса 2-3 январь кунлари бўлиб ўтади.