УЕФА президенти Мишель Платини ўзи бошлиқ бўлган уюшманинг футболчиларни ҳимоя қилиш ва молиявий "фэйр-плей"ни жорий қилишга бел боғлаганини маълум қилди.
"Баъзи мамклакатлардаги клубларни футболчилар эмас, ҳуқуқшунослар орқали таниймиз. Баъзи ишбилармонлар муттасил равишда ассоцияциялар билан судлашиб, ўзларига ном қозонмоқдалар ва пул ишлаб топмоқдалар. Бунга йўл қўймаслик керак. Бошқа малакатларда эса футболчилар тазйиқ ва босим остида шартнома имзолаб, бекор қилмоқдалар. Бунисига чидаб бўлмайди. Биз футболчилар ҳимояси учун курашишимиз керак, зеро, уларсиз футбол йўқ.
Шундай ғолатлар учрайдики, клублар йўқ ўйинчилар учун маош тўлайдилар. Бошқалари эса ўз футболчисига тўламайдилар. Ҳозир футболда ҳар қачонгидан ҳам катта маблағ айланмоқда, лекин клублар қарз ботқоғида?.. Бизнинг сўнгги тадқидотларимизга кўра, Европа профессионла футболи 1,6 миллиард евро миқдорида зарар кўрган. Қандай қилиб бундай парадокс содир бўлиши мумкин?
Европа комиссияси молиявий "фэйр-плей"нинг ҳуқуқий жиҳатдан тан олди ва бизнинг олдимизда турган ишларимизда қўллаб-қувватлашини билдирди. Бу - УЕФА ва бутун футболнинг ғалабасидир", - дея унинг сўзларини келтиради УЕФА расмий сайти.
