«Локомотив» ПФК фаолиятида жамоамиз мухлислар клуби ҳам муҳим ўрин тутади. Зеро футбол мухлислар билан қизиқ. Ишқибозларнинг стадионга келиб жамоани олқишлаб туриши футболчиларга ҳам катта мотивасия беради.

Янги йил байрам арафасида «Локомотив» бир неча мавсумдан бери «темирйўлчилар»ни қўллаб келаётган фан-клуб аъзоларини тақдирлади. «Локомотив» ПФК бош директори ўринбосари Тўлабек Акрамов мухлислар клуби фаолларига клуб рамзи туширилган футбол тўпи, футболчиларимизнинг оригинал либосларини эсталик совға сифатида топшириб, ҳар ўйинда жамоамизни олқишлаб туришгани учун миннатдорчилик билдирди.

Шу ўринда Самандар Тўлаганов, Умид Ҳамидуллаев, Жамшид Тожибоев, Тимур Умаров, Султон Салимов, Файзулло Раҳмонов, Муҳаммадали Зокиржонов ва умуман «Локомотив» фан-клубидаги барча мухлисларга Янги йилда сиҳат-саломатлик, омад тилаб қоламиз.

Бизга мухлислик қилишда давом этинг, биз эса Сиз учун ғалаба қозонишга ҳаракат қиламиз!