Киевнинг «Динамо» клуби ўзининг расмий сайтида Виталий Миколенкони Англиянинг «Эвертон» клубига кўчиб ўтганини расман эълон қилди.

«ФК «Динамо» (Киев) Виталийга жамоада ўтказган йиллари учун миннатдорчилик билдиради ва Англия Премьер-лигасидаги фаолиятига омад тилайди», — дейилади расмий баёнотда.

Европа-2020да Миколенко терма жамоа таркибида тўртта учрашув ўтказди. Жорий мавсум Украина чемпионатида эса 22 ёшли футболчи 15 та учрашувда майдонга тушиб, 3 та голга ассистентлик қилди.

Миколенко «Динамо» таркибида жами 132 та учрашувда ўйнади ва рақиблари дарвозасига 7 та гол киритди.