Kiyevning «Dinamo» klubi o‘zining rasmiy saytida Vitaliy Mikolenkoni Angliyaning «Everton» klubiga ko‘chib o‘tganini rasman e’lon qildi.
«FK «Dinamo» (Kiyev) Vitaliyga jamoada o‘tkazgan yillari uchun minnatdorchilik bildiradi va Angliya Premyer-ligasidagi faoliyatiga omad tilaydi», — deyiladi rasmiy bayonotda.
Yevropa-2020da Mikolenko terma jamoa tarkibida to‘rtta uchrashuv o‘tkazdi. Joriy mavsum Ukraina chempionatida esa 22 yoshli futbolchi 15 ta uchrashuvda maydonga tushib, 3 ta golga assistentlik qildi.
Mikolenko «Dinamo» tarkibida jami 132 ta uchrashuvda o‘ynadi va raqiblari darvozasiga 7 ta gol kiritdi.
