Янги футбол мавсумига қизғин тайёргарлик олиб бораётган "Нефтчи" футбол клуби селекция негизида жамоа таркибини шакллантириш борасидаги ишларни давом эттирмоқда.  Жумладан якунига етган мавсумни Қаршининг "Насаф" жамоасида ўтказган маҳоратли ярим ҳимоячи Дониёр Назруллаев билан 1 йиллик шартнома имзоланди.

Дониёр Назруллаев "Насаф" футбол мактаби  тарбияланувчиси ҳисобланади. Ўз вақтида Ўзбекистон ёшлар терма жамоаси сафида ўзининг ёрқин ўйинлари билан кўзга ташланган ярим ҳимоячи бўлган.

"Нефтчи" ПФК раҳбарияти ва мураббийлар штаби жамоанинг юксак марраларга эришиши учун клуб шарафини муносиб ҳимоя қилишида Дониёр Назруллаевга омадлар тилаб қолади.