"Арсенал" ҳужумчиси Пьер-Эмерик Обамеянг жамоани тарк этишга тайёр, дея маълум қилди италиялик журналист Николо Скира Twitter саҳифасида.

Манбага кўра, футболчи январда жамоадан кетишга тайёр. Аввалроқ, у коронавирус пандемияси фонида клуб билан мувофиқлаштирилмаган парвоз учун сардорлик боғичидан маҳрум қилинган эди.

Габонлик футболчига "Ньюкасл" ва "Ювентус" клублари қизиқмоқда. Италия клуби учун футболчининг маоши жуда юқори. "Ньюкасл" сотиб олиш шарти билан ижара бўйича музокаралар олиб боришга тайёр.

32 ёшли Обамеянг жорий мавсумда 15 ўйинда 7 та гол урди ва 2 та голли узатмани амалга оширди.