"Arsenal" hujumchisi Pyer-Emerik Obameyang jamoani tark etishga tayyor, deya ma’lum qildi italiyalik jurnalist Nikolo Skira Twitter sahifasida.

Manbaga ko‘ra, futbolchi yanvarda jamoadan ketishga tayyor. Avvalroq, u koronavirus pandemiyasi fonida klub bilan muvofiqlashtirilmagan parvoz uchun sardorlik bog‘ichidan mahrum qilingan edi.

Gabonlik futbolchiga "Nyukasl" va "Yuventus" klublari qiziqmoqda. Italiya klubi uchun futbolchining maoshi juda yuqori. "Nyukasl" sotib olish sharti bilan ijara bo‘yicha muzokaralar olib borishga tayyor.

32 yoshli Obameyang joriy mavsumda 15 o‘yinda 7 ta gol urdi va 2 ta golli uzatmani amalga oshirdi.