Лондоннинг "Челси" клуби бош мураббийи Томас Тухель АПЛнинг 21-тур доирасида "Ливерпул"га қарши бўлиб ўтган учрашувдан сўнг, Sky Sports нашрига қисқача ўйин ҳақидаги фикрлари билан ўртоқлашди.
"Ажойиб ўйин бўлди. Ўйинни томоша қилганлар асло зерикмади деб ўйлайман. Биз ўйинни жуда яхши бошладик ва йўқ жойдан гол ўтказиб юбордик. Ўтказиб юборилган иккинчи гол эса вазифамизни янада мураккаблаштирди. Жамоа таслим бўлмади ва Матео Ковачичнинг голи ўзимизга бўлган ишончни қайтарди", - деди Тухель.