Londonning "Chelsi" klubi bosh murabbiyi Tomas Tuxel APLning 21-tur doirasida "Liverpul"ga qarshi bo‘lib o‘tgan uchrashuvdan so‘ng, Sky Sports nashriga qisqacha o‘yin haqidagi fikrlari bilan o‘rtoqlashdi.
"Ajoyib o‘yin bo‘ldi. O‘yinni tomosha qilganlar aslo zerikmadi deb o‘ylayman. Biz o‘yinni juda yaxshi boshladik va yo‘q joydan gol o‘tkazib yubordik. O‘tkazib yuborilgan ikkinchi gol esa vazifamizni yanada murakkablashtirdi. Jamoa taslim bo‘lmadi va Mateo Kovachichning goli o‘zimizga bo‘lgan ishonchni qaytardi", - dedi Tuxel.