"Челси" бош мураббийи Томас Тухель АПЛ 21-турида "Ливерпуль" билан дурангдан кейин (2:2) Мерсисайд клуби ҳужумчиси Садио Мане қизил карточка олиши кераклигини айтди. Ҳакам сенегаллик футболчини ўйин бошланганидан бир неча сония ўтиб Сезар Аспиликуэтага нисбатан қўполлик ишлатгани учун сариқ карточка билан огоҳлантирди.
“Мен эрта четлатишлар тарафдори эмасман, шунингдек, Маненинг иқтидорига ҳам шубҳа қилмаяман. У топ даражадаги футболчи ва ажойиб инсон. Аммо шунга қарамай, ишончим комилки, бу вазият тоза қизил карточка эди", - дея Тухелнинг сўзларидан иқтибос келтирган клуб расмий сайти.
