"Барселона" дарвозабони Норберто Нето клубдан уни қўйиб юборишни сўради, деб хабар беради "El Nacional".
Манба берган хабарга кўра, 32 ёшли бразилиялик футболчи клуб раҳбарияти билан учрашиб, "Фламенго" таклифини қабул қилишни сўраган. Қайд этилишича, футболчи Каталония жамоасида ўйнай олмаслигини тушунади ва унинг кетиши “кўк-анорранглилар”нинг молиявий аҳволини яхшилашга ёрдам беради.
2021/22 йилги мавсумда Нето "Барселона" таркибида 2 та ўйин ўтказиб, 3 та гол ўтказиб юборган. Transfermarkt.com портали футболчининг нархини 4 миллион еврога баҳоламоқда.
