"Барселона" спорт директори Матеу Алемани клубнинг "кўк-анорранглилар" билан шартномаси мавсум охирида тугайдиган франциялик ҳужумчи Усмон Дембеленинг вакиллари билан яна учрашиш нияти йўқлигини айтди.

“Усмон Дембеле ва унинг агенти билан учрашув режалаштирилмаган. Улар "Барселона"нинг позицияси ва қарорини билишади. Биз бу келишувни узоқ давом эттира олмаймиз. Биз Дембеледан таклифимизга якуний жавоб кутамиз”, - дея фикр билдирган Алемани.

Олдинроқ 24 ёшли Дембеленинг вакили "Барселона"дан янги шартнома учун бажариш имконсиз шартлар сўрагани, шу сабабли томонлар ўртасидаги музокаралар чўзилиб кетгани ҳақида хабар берилганди.