Ярим ҳимоячи Федерико Бернардескининг "Ювентус" билан шартномаси мавсум охирида якунига етади. Футболчининг ўзи эса шартномани узайтириш бўйича музокаралар ҳали бошланмаганини, аммо яқин орада унинг агенти клуб раҳбарияти билан учрашиши кераклигини айтди.
“Биз мулоқотга очиқмиз. Албатта, жамоада қолишни истайман. Бу жараён тўйга ўхшайди, бу ерда икки томоннинг розилиги керак. Бизда шундай анъана борки, агар ўйинчилардан бири шартномани янгиласа, бутун жамоа учун кечки овқат уюштиришади. Агар шу кун менга келса, хурсанд бўламан, пулни байрам дастурхонига сарфлашдан хурсанд бўламан ”, деди Бернардески ДАЗН эфирида.
Аниқлик киритамизки, молиявий жиҳат музокаралар жараёнида тўсиқ бўлиб қолиши мумкин — айни дамда футболчи тўрт миллион евро олади, бироқ “Ювентус” энди унга уч миллиондан кўпроқ тўлашга тайёр эмас.
