"Манчестер Юнайтед" "Вест Хэм" ярим ҳимоячиси Деклан Райсга қизиқиш билдирмоқда, дея хабар беради "TodoFichajes".
Манба берган хабарга кўра, манкунианликлар қишки трансфер ойнасида футболчи сотиб олиш ниятида ва у учун 115 миллион евро тўлашга тайёр. Агар келишув амалга ошса, Райс "Манчестер Юнайтед" тарихидаги энг қиммат харид бўлади. Клуб рекорди ярим ҳимоячи Поль Погбага тегишли бўлиб, у учун клуб 105 миллион евро тўланган.
22 ёшли Райс жорий мавсумда “Вест Хем” сафида барча турнирларда 24 та ўйин ўтказиб, 3 та гол урди ва 4 та голли узатмани амалга оширди. Унинг клуб билан шартномаси 2024 йилнинг ёзига қадар амал қилади.
