"Манчестер Юнайтед" бош мураббийи Ралф Рангник Англия чемпионатининг 21-турида "Вулверхэмптон"га қарши ўйинда (0:1) жамоасининг мағлубияти ҳақида фикр билдирди.
"Биз якка тартибда ҳам, жамоада ҳам энг яхши ўйинимизни кўрсата олмадик. Биринчи бўлимда гол ўтказиб юборишдан зўрға узоқлашдик. Иккинчи бўлимда учта ҳимоячидан иборат таркибга ўтганимиздан сўнг ўйинни назорат қилдик.
Мағлубиятдан ҳафсаламиз пир бўлди. "Вулверхэмптон" биз ўйнаган энг яхши жамоа. Ҳаракат қилсак ҳам прессинг қила олмадик. Аммо бизнинг ҳали қиладиган ишимиз кўп”, дейди мураббий.
"Манчестер Юнайтед" 19 ўйинда 31 очко билан АПЛ турнир жадвалида 7-ўринда бормоқда.
