Эртага Тошкентнинг "Локомотив" клуби Ўзбекистон чемпионатининг иккинчи тури доирасида ўз майдонида Қаршининг "Насаф" жамоаси билан куч синашади. Ўйин Тошкент вақти билан 16:00да бошланади.
Ушбу ўйин "Локомотив"нинг ўз майдонидаги ушбу мавсумдаги илк учрашув ҳисобланади. Шу боисдан "Локомотив" клуби вакиллари мавсумнинг очилиши муносабати билан Тошкент Темирйўл Муҳандисали Институти футбол майдонида ўйиндан олдин ўзбек эстрадаси юлдузлари иштирокида шоу-дастури ўтказишни реъжалаштиришган. Дастурда "Божалар" гуруҳи, "Шаҳзод" гуруҳи, Шукрилло Исроилов ва бошқа кўплаб ҳонандалар иштирок этиши кўзда тутилган.
Ўйиндан олдинги ушбу шоу 15:00да бошланади.
