Лондоннинг «Тоттенхэм» клуби бош мураббийи Антонио Конте Англия Лига Кубогининг 1/2 финал босқичида "Челси" жамоасига қарши бўлиб ўтадиган учрашувдан аввалги фикрлари билан ўртоқлашди.
«Мен «Челси»да икки мавсумни ўтказдим ва футболчи ҳамда клубдагилар билан илиқ муносабатларни ўрнатдим. Бу жуда катта ишларни амалга оширдик. Ўйлайманки, "Челси"га қарши ҳеч нарсани исботлашим шарт эмас.
Мен тажрибали мураббийман. Мен тажриба ортиришда ва бошқа клубларда жиддий ишларни амалга оширишда давом этаман. «Стэмфорд Бридж»га қайтиш ёқимли бўлади.
Айни пайтда «Челси» бизга қараганда ғалабага яқинроқ. Ўтган мавсумда улар ЕЧЛда ғолиб чиқишди. Биз олдинга қадам ташлашда давом этамиз ва совринлар ютадиган клублар қаторига қўшилиш устида ишлашда давом этамиз», – Контенинг сўзларидан иқтибос келтирмоқда The Guardian.
«Челси» – «Тоттенхэм» жамоаари ўртасидаги учрашув эртага, 5 январь куни соат 00:45 да бошланади.