ПСЖ ҳужумчи Килиан Мбаппе ўрнига футболчи қидиришни бошлаб юборди. Томонлар жорий мавсум охирида тугайдиган шартномани узайтириш борасида келиша олишмади. 23 ёшли ҳужумчи жамоани тарк этиб, фаолиятини “Реал”да давом эттиришга қарор қилган.
“Calciomercato” нашри хабарига кўра, Париж гранди Мбаппе ўрнига бошқа юлдуз футболчини жамоага таклиф қилмоқчи. “Ливерпуль”нинг мисрлик футболчиси Муҳаммад Салоҳ ҳужум чизиғида Килианнинг ўрнини эгаллаши мумкин. Француз клуби ёзги трансфер ойнасида африкалик учун курашишга тайёр.
Салоҳнинг мерсисайдликлар билан шартномаси 2023 йилда тугайди ва шунинг учун “қизиллар” етакчисини текинга йўқотмаслик учун уни сотиш ҳақида ўйлаб кўришлари мумкин.
