Хабарингиз бор, «Челси» ҳужумчиси Ромелу Лукаку ва Тухель ўртасида кичик тортишув содир бўлган эди.
Футболчи ўзининг «Стемфорд Бриж»даги бахтсизлигини ошкор қилган мунозарали интервьюсидан сўнг «Челси» мухлисларидан тўғридан-тўғри узр сўради.
Ромелу аллақачон машғулотларга қайтган, у «кўклар» мухлисларига шахсан мурожаат қилгандан сўнг ўзини анча эркин ҳис этаётганини айтган.
Ўз ўрнида Тухель ҳам бу нохуш воқеани ўтмишда қолдиришга қарор қилди. Энди Лукакунинг «Челси»ни тарк этиши ҳеч қачон муҳокама қилинмайди ва у шу ой ёки кейинги ёзда жамоани тарк этмаслиги хабар қилинган.
