«Пахтакор» ва «Олмалиқ» жамоалари ўртасидаги учрашув ниҳоясига етгача мезбонлар устози Деян Журжевич ўйин борасидаги фикрларини билдириб ўтди. Журжевич натижага қарамай ҳаммаси яхши бўлишини таъкидлаб ўтди.

«Ўз уйимизда ўйнаганимиз учун бугун ғалаба қозонишимиз шарт эди. Таркибдаги муаммо борлиги учун шундай натижа қайд этдик деб ўйлайман. Натижадан қониқмаган бўлсам ҳам йигитларга раҳмат. Бугун ҳужумчилар билан муаммо ўз сўзини айтди. Шаҳбоз Эркинов ва Фарҳод Тожиевларнинг жароҳатлари боис майдонга туша олишмади».

«Иккинчи бўлимда майдонга тушган Аббос Махсталиев ва Темур Ҳакимовлар жуда яхши ўйнашди. «Олмалиқ»ни бугунги натижа билан табриклайман. Аббосга ҳали яна имконият бераман. У бундай ўйинларга ҳали тўлиқ тайёр эмас».

«Бир нарсани инобатга олиш керак. Бизда 10 нафар ўйинчи йўқ эди.Баъзи бир жамоаларда 2 ўйинчи бўлмаса ҳам таъсир кўрсатади. Эндигина иккита ўйин ўтказдик. Ҳаммаси олдинда. Ўйин савияси ҳақидаги эътирозларга қўшиламан. Балки, савиямиз сал кечроқ юқори ҳолатга чиқар. Лекин биз албатта бу босқичга чиқамиз», дея мураббийнинг сўзларидан иқтибос келтирмоқда «Пахтакор» расмий сайти.