Ёшлар биринчилиги 2-тур иккинчи кунги учрашувларида фақат дуранг натижалар қайд этилди.

Ўз майдонида Қаршининг «Насаф» клуби ёшларини қабул қилган «Локомотив», ўйин якунланишига 10 дақиқадан камроқ вақт қолганида ҳам, Николай Гурьянов ва Алишер Шоғуломовнинг голларидан сўнг 2:0 ҳисобида ғалаба қозонаётган эди. Бироқ қандайдир уч дақиқа ичида киритилган икки гол Ёшлар биринчилигининг амалдаги ғолибига дуранг натижани тақдим этди.

«Шўртан» ҳамда «Навбаҳор» ёшлари ўртасидаги учрашувда 1:1 ҳисобида қайд этилди.

Турнинг дастлабки уч ўйини 23 март, жума куни бўлиб ўтган эди. «Нефтчи» – «Динамо» (бошланиш вақти – 15:00) ва «Қизилқум» – «Бунёдкор» (15:00) учрашувлари 25 март, якшанба куни бўлиб ўтади.

Ёшлар биринчилиги, 2-тур
24 март, шанба
«ЛОКОМОТИВ» (Тошкент) – «НАСАФ» (Қарши) 2:2 (1:0)
Ҳакамлар: М. Муҳамедов (Тошкент вилояти), Ф. Ёрмуҳамедов, Б. Баҳромов, О. Абдувосилов.
Назоратчи: Р. Мўминов (Тошкент).

Голлар: Н. Гурьянов (24), А. Шоғуломов (76) – А. Ҳотамов (81), А. Файзиев (83).

Огоҳлантиришлар: А. Пўлатов (25), К. Абрамов (29), А. Нўъмонов (42) – Н. Санакулов (40), Ф. Сайфиев (63), Т. Абдураззоқов (90+1).
Четлатиш: Н. Санақулов (74, иккинчи огоҳлантириш).
58 томошабин.

«ШЎРТАН» (Ғузор) – «НАВБАҲОР» (Наманган) 1:1 (0:1)
Ҳакамлар: А. Чориев (Термиз), А. Калинин, Н. Қосимов, Ф. Норсафаров.
Назоратчи: Р. Айтеков (Тошкент).
Голлар: Ғ. Раҳмонов (54) – М. Собиров (27).
Огоҳлантиришлар: С. Ҳамидов (45), К. Қўчқоров (87, иккиси ҳам — «Навбаҳор»).
179 томошабин.