“Барселона” ҳимоячиси Самуэль Умтити фаолиятини Англия Премьер-лигасида давом эттириши мумкин. “Daily Mail” нашри хабарига кўра, “кўк-анорранглилар” раҳбарияти “Ньюкасл”га франциялик футболчини сотиб олиш имконияти билан ушбу мавсум охиригача ижарага олишни таклиф қилди. 

Аввалроқ ОАВда марказий ҳимоячи қишки трансфер ойнасида “Ньюкасл”нинг асосий трансфер мақсади экани ҳақида хабарлар тарқалган эди. “Marca” нашрининг ёзишича, инглиз клуби Самуэль учун 20 миллион евро таклиф қилишга тайёр.

28 ёшли Умтити жорий мавсумда Испания чемпионатининг битта учрашувида иштирок этди. Футболчи “Барселона”да 2016 йилдан бери ўйнаб келмоқда. Ҳимоячининг клуб билан шартномаси 2023 йилнинг июнигача мўлжалланган. Транстермаркт порталига кўра, футболчининг бозор қиймати 2 миллион еврони ташкил қилади