"Монако" ярим ҳимоячиси Аурелиен Тчуамени фаолиятини Англия Премьер-лигасида давом эттириши мумкин. Франциялик футболчининг хизматларига "Челси" қизиқиш билдирмоқда, дея хабар беради "Goal".

Манбага кўра, айни дамда "аристократлар" футболчини кузатишмоқда, ёзда "Челси" "Монако"га Тчуаменини трансфер қилиш бўйича расмий таклиф билан чиқишга тайёр.

21 ёшли франциялик футболчига "Челси"дан ташқари бир қанча клублар, жумладан "Реал", "Манчестер Сити", "Ливерпуль" ва "Манчестер Юнайтед" ҳам даъвогарлик қилмоқда. Трансфермаркт портали маълумотларига кўра, футболчининг бозор нархи 40 миллион еврони ташкил этади.Тчуаменининг "Монако" билан шартномаси 2024 йилнинг 30 июнига қадар тузилган.