“Герта”нинг 26 ёшли польшалик ҳужумчиси Кшиштоф Пёнтек тез орада “Фиорентина”га кўчиб ўтиши ўтиши мумкин. Бу ҳақда журналист Фабрицио Романо маълум қилди.
Трансфер сотиб олиш опцияси билан ижара асосида амалга оширилади. Яқин кунларда футболчи тиббий кўрикдан ўтиш учун Италияга етиб боради.
Қайд этилишича, Пёнтекнинг трансфери “бинафшаранглар”нинг 21 ёшли сербиялик ҳужумчиси Душан Влаҳовичнинг бошқа клубга ўтиши мумкинлиги ҳақидаги миш-мишларга алоқаси йўқ.
Эслатиб ўтамиз, Пёнтек 2020 йил январь ойида “Милан”дан 24 миллион евро эвазига “Герта” футболчисига айланган эди. У жорий мавсумда барча турнирларда 10 ўйинда 1 та гол ва 1 та голли узатмани амалга оширди.
