“Gerta”ning 26 yoshli polshalik hujumchisi Kshishtof Pyontek tez orada “Fiorentina”ga ko‘chib o‘tishi o‘tishi mumkin. Bu haqda jurnalist Fabrisio Romano ma’lum qildi.

Transfer sotib olish opsiyasi bilan ijara asosida amalga oshiriladi. Yaqin kunlarda futbolchi tibbiy ko‘rikdan o‘tish uchun Italiyaga yetib boradi.

Qayd etilishicha, Pyontekning transferi “binafsharanglar”ning 21 yoshli serbiyalik hujumchisi Dushan Vlahovichning boshqa klubga o‘tishi mumkinligi haqidagi mish-mishlarga aloqasi yo‘q. 

Eslatib o‘tamiz, Pyontek 2020 yil yanvar oyida “Milan”dan 24 million yevro evaziga “Gerta” futbolchisiga aylangan edi. U joriy mavsumda barcha turnirlarda 10 o‘yinda 1 ta gol va 1 ta golli uzatmani amalga oshirdi.