"Бавария" фахрий президенти Ули Хёнесс "Боруссия Дортмунд" нега Мюнхен клуби билан тенг шароитда рақобатлаша олмаслиги ҳақида ўз фикри билан ўртоқлашди.

“Биз жуда барқарормиз, чунки жамоамиз ўсиб бормоқда. Вақти-вақти билан бизга янги ўйинчи келади, шу билан бирга Дортмунднинг "Боруссия"си доимий равишда муҳим ўйинчиларни сотади. Бу маълум даражада ташвиш туғдиради ва жамоа бир бутун сифатида ривожлана олмайди.

Ҳозирги "Бавария" жуда ҳамжиҳат, буни Лиссабондаги Чемпионлар лигасидаги ғалабамиз давомида кўрган бўлсангиз керак. Флик жуда яхши иш қилди ва Нагелсманн энди ўзига хос услубга эга, бу мени жуда ҳайратда қолдиради", - дейди собиқ президент.