"Арсенал" Англия футбол бирлашмаси томонидан жазоланди. Бу ҳақида ФА спикерининг расмий Twitter саҳифасида маълум қилинди. Унда шундай дейилади:
"Шуни маълум қиламизки, "Арсенал" футбол клуби шанба куни (1.01.2022) "Манчестер Сити"га қарши баҳсда Футбол бирлашмасининг E20,1 моддасини бузгани учун жаримага тортилди. Унда клуб футболчилари ўйиннинг 59 дақиқасида ўзларини қоидаларга мувофиқ тутишдан чекинишган".
Эслатиб ўтамиз, жазо 20 минг фунт-стерлинг маблағ тўлашни ҳамда қизил олган Габриэлнинг бир нечта ўйинни ўтказиб юборишини кўзда тутади.
