Италия чемпионатининг 20-туридан ўрин олган тўртта ўйин клубларда кўплаб коронавирус инфекцияси қайд этилгани сабабли қолдирилади, деб хабар бермоқда Sky Sports Italia.
Гап "Болонья" - "Интер", "Аталанта" - "Торино", "Фиорентина" - "Удинезе" ва "Салернитана" - "Венеция" ўйинлари ҳақида кетмоқда. Ушбу учрашувлар бугун, 6 январь куни бўлиб ўтиши керак эди.
Спорт Медиасет хабарига кўра, А Серия раҳбарияти соғлиқни сақлаш идораларининг ўйинларни бошқа вақтга кўчириш ҳақидаги талабларини эътиборсиз қолдиришда давом этмоқчи. Ўйинга келмаган жамоалар техник мағлубиятга учраган бўлиши мумкин.
