Italiya chempionatining 20-turidan o‘rin olgan to‘rtta o‘yin klublarda ko‘plab koronavirus infeksiyasi qayd etilgani sababli qoldiriladi, deb xabar bermoqda Sky Sports Italia.
Gap "Bolonya" - "Inter", "Atalanta" - "Torino", "Fiorentina" - "Udineze" va "Salernitana" - "Venesiya" o‘yinlari haqida ketmoqda. Ushbu uchrashuvlar bugun, 6 yanvar kuni bo‘lib o‘tishi kerak edi.
Sport Mediaset xabariga ko‘ra, A Seriya rahbariyati sog‘liqni saqlash idoralarining o‘yinlarni boshqa vaqtga ko‘chirish haqidagi talablarini e’tiborsiz qoldirishda davom etmoqchi. O‘yinga kelmagan jamoalar texnik mag‘lubiyatga uchragan bo‘lishi mumkin.
