Хитой Суперлигасининг 3-туридан ўрин олган «Лиаонинг Хювин» ва «Чангчунг Ятай» жамоалари ўртасидаги учрашувда жанговар дуранг натижа қайд этилди.

Ўтган йили Тошкентнинг «Бунёдкор» клуби шарафини ҳимоя қилган сербиялик Милош Трифунович «Лиаонинг Хювин» таркибида дулб қайд этди. Шунингдек жамоанинг яна бир голига Янг Хю муаллифлик қилди.

Меҳмонлардан эса Ванг Донг, Пей Шуай ва Лю Вей Донглар голларга муаллифлик қилишди ва натижада ҳисоб 3:3 кўринишини олди.

Меҳмонлар таркибида ҳамюртимиз Анзур Исмоилов дастлабки дақиқалардан майдонга тушиб тўлиқ 90 дақиқа мобайнида майдонда ҳаракат қилди.

ЛИАОНИНГ ХЮВИН - ЧАНГЧУНГ ЯТАЙ 3:3 (1:0)
Голлар: Милош Трифунович (33, 66), Янг Хю (61) - Ванг Донг (47), Пей Шуай (55), Лю Вей Донг (75).

Шунингдек яна бир ҳамюртимиз Азизи Ибрагимов тўп суриб келаётган «Цингдао Жонун» клуби бу турда «Дальян Шиде» клуби меҳмони бўлди ва 1:2 ҳисобида имкониятни бой бериб қўйди.

Учрашувда Азиз Ибрагимов тўлиқ 90 дақиқа мобайнида майдонда ҳаракат қилди.

ДАЛЬЯН ШИДЕ - ЦИНГДАО ЖОНУН 2:1 (1:1)
Голлар: Мартин Камбуров (45-пен, 87) - Цзенг Лонг (25).

Кеча яна икки учрашув бўлиб ўтди. Иккала учрашувда ҳам дуранг натижа қайд этилгани эътиборга молик:

ШАНДОНГ ЛУНЕНГ - ДАЛЬЯН АЭРБИН 3:3
Голлар: Ризо Антар (7), Мануэль Обина (12, 61) - Ю Дабао (2), Густаво Каналес (5), Чжу Тонг (16).

НАНЧАНГ БАЙИ - ГУЙЧЖОУ РЕНЭ 0:0