“Рома” бош мураббийи Жозе Моуриньо “Милан” билан ўйин (1:3) ҳақида ўз фикрлари билан ўртоқлашди.

“Биз ҳисоб 0:2 бўлганида ҳам ўйнашда давом эттик, аммо Рик Карсдорпнинг четлатилиши билан барчаси ҳал бўлди”, - деди португалиялик матбуот анжуманида. - Бугун жуда сифатсиз ўйин кўрсатдик. Биринчи ўтказиб юборилган голга эътибор берсангиз, тўпни жуда осон бериб қўйдик. Бугунги ўйинда сифат етишмасди.

- Бизда ўртамиёна жамоа бор, шунинг учун жадвалнинг ўртасидамиз. “Рома” бугун кўп хато қилди, аммо тактик жиҳатдан эмас, улар индивидуал камчиликлар қилишди”, дея қўшимча қилди Моуриньо.

20 турдан кейин “Рома” турнир жадвалида 10 ғалаба, 2 дуранг ва 8 мағлубият билан олтинчи ўринда бормоқда.