"Реал" директори Эмилио Бутрагеньо жамоасининг 30-тур ўйинида "Реал Сосьедад" устидан йирик (5:1) ғалабасидан сўнг, мавсумни муваффақиятли якунлашларига ишончи комил эканини айтиб ўтди.

"Биз жуда мумнунмиз. "Реал"нинг захирасида олти очко бор, жамоа ажойиб ўйин кўрсатмоқда: келажакка оптимистларча қарашимизга асос етарли.

Мавсум давомида ғалаба қозониб бўлмайдиган ўйинлар ҳам бўлиб туради. Бу — футбол, унда ҳар нарса бўлиши мумкин. Биз "Малага"га қарши ўйинда ҳам, "Вильярреал"га қарши учрашувда ҳам ғалабага лойиқ эдик. Лекин нимадир бўлди — энди буни ўйлашга ҳожат ҳам йўқ: барча фикрларимиз чемпионлар Лигаси ўйинига қаратилган", — дея Бутрагеньо сўзларидан иқтибос келтиради. AS.