"Барселона" ҳимоячиси Роналд Араухо Испания кубоги доирасида "Линарес"га қарши ўйинда (2:1) жароҳат олди.
Футболчига ўнг қўлнинг иккинчи ва учинчи метакарпаль суяклари синиши ташхиси қўйилган. 7 январь куни футболчи операция қилинади.
"Mundo Deportivo" хабарига кўра, тикланиш бир неча ҳафта давом этади. Агар барчаси режадагидек кетса, икки ҳафтадан кейин Араухо каталонияликлар бош мураббийи Хави ихтиёрида бўлиши мумкин.
Чап оёғидан жароҳат олган ярим ҳимоячи Френки де Йонгга келсак, унинг қайтиши бундан ҳам эртароқ бўлиши кутилмоқда.
