Мавсумлар оралиғидаги танаффус пайтида ҳар бир жамоа таркибида ўзгаришлар  бўлиши табиий. Албатта, “Навбаҳор” ҳам бундан мустасно эмас.

Бугун “лочинлар” сафини 26 ёшли маҳоратли ҳужумчи, 2020-2021 йиллар, яъни, 2 мавсум давомида жамоа таркибида Coca Cola Суперлига баҳсларида 45 та учрашувда майдонга тушиб, 2690 дақиқа тўп тепган, 4 та гол урган ҳамда 2 та голга ассистентлик қилган Забиҳилло Ўринбоев тарк этди.

"Забиҳиллога “Навбаҳор”даги ўйинлари ва голлари, жамоамизнинг ғалабаларига қўшган муносиб ҳиссаси учун клубимиз номидан ўз миннатдорчилигимизни билдирамиз ҳамда кейинги фаолиятида омад ёр бўлишини тилаймиз", — дейилади “Навбаҳор” ПФК матбуот хизмати тарқатган хабарда.