"Барселона" ярим ҳимоячиси Гави фаолиятини "Манчестер Сити"да давом эттириши мумкин, деб ёзади "El Nacional".
Футболчининг шартномасида товон пули 41,75 миллион фунтни ташкил қилади. Агар ярим ҳимоячиниг ўзи клубини ўзгартирмоқчи бўлса, "Сити" бу суммани тўлашга тайёр.
Маълумот учун, Гави 2015 йилдан бери "Барселона"нинг турли ёшдаги жамоаларида ҳаракат қилмоқда. 2020 йил сентябрь ойида у "кўк-анорранглилар" билан биринчи профессионал шартномасини имзолади.
2021/22 йилги мавсумда у барча турнирларда 22 та ўйинда қатнашиб, 1 та гол урди ва 3 та голли узатмани амалга оширди.
