Мадриднинг "Реал" клуби Испания Ла-лигасининг 29-туридан ўрин олган учрашувда "Реал Сосьедад" устидан қозонилган ғалабадан сўнг, яна ОАВ билан суҳбатдан бош тортган.
Жамоа чоршанба куни "Виллареал"га қарши кечган ўйиндан сўнг матбуот билан гаплашишдан бош тортган ва ОАВларига бойкот эълон қилишган эди.
Мадридликлар вице-президенти Эмилио Бутрагеньо бу воқеага изоҳ берар экан, матбуотдан жамоа аъзоларини тинч қўйишларини сўради.
"Чоршанба куни бўлиб ўтган учрашув жуда ғалати ва сирли воқеаларга бой бўлди, бизга нисбатан "уруш" эълон қилинган деб ҳисоблаймиз. Бундай вазиятда ортичқа нарсаларни гапириб юборгандан кўра, жим турган маъқул деб ҳисоблаймиз. "Реал" раҳбариятини ва футболчиларини тинч қўйинглар", дейди Бутрагеньо Canal Plus телеканали орқали қилган чиқишида.
