Фахрий футболчи ҳозир 35 ёшда, аммо барибир Англия Премьер-лигасида юқори савиядаги ўйин намойиш қилмоқда.
Бу ёз Уго Льориснинг «Лион»дан «Тоттенхэм»га ўтганига ўн йил тўлади. Айни ўша паллада дарвозабоннинг «шпорлар» билан тузган шартномаси ҳам тугайди ва у ўзи учун қадрдон бўлиб қолган Лондонни тарк этиши мумкин. Бу вақт ичида француз дарвозабони «Тоттенхэм» сафида барча турнирларда деярли 400 та ўйин ўтказган бўлса, шундан қарийб 150 тасида гол ўтказиб юбормасдан мсйдонни тарк этган.
Январь ойидаги трансфер ойнаси очилиши билан Уго Лорис унинг хизматларига қизиққан исталган клуб билан музокара олиб бориши мумкин бўлади. Бунга дарвозабоннинг шартномаси олти ойдан камроқ вақт ичида тугаши сабаб, эндиликда Угода «шпорлар» лагерида қолишига кафолат йўқ.
Яқинда журналистлар Льорис билан ҳамкорликни узайтириш мумкин бўлган вазиятга изоҳ беришни сўраган «Тоттенхэм» бош мураббийи Антонио Конте аниқ фикр билдирмади.
“Кўрамиз, лекин менимча, Уго «Тоттенхэм» учун ҳеч қачон муаммо бўлмайди. Льорис бизнинг сардоримиз, шунингдек, у кўп йилларини «шпорлар» лагерида ўтказган футболчи ва биз уни жамоада, таркибда ва кийиниш хонасида кўрганимиздан жуда хурсандмиз«, - деди Конте.
Льорис охирги марта 2016 йилнинг декабрида «Тоттенҳэм» билан шартномани қайта имзолаган эди. Ўшандан бери, франциялик футболчи сифатли ўйин кўрсатганига қарамай, клуб шартномани янгилаш бўйича таклифлардан ўзини тийди. Ўтган йилнинг сентябрь ойида Угодан шартнома билан боғлиқ вазият ҳақида гапиришни сўрашганда, дарвозабон бу масалада раҳбарият билан алоқаси йўқлигини айтди.
Шу муносабат билан шуни эсда тутиш керакки, «Тоттенхэм» раҳбарлари ёши катта футболчиларига узоқ муддатли шартномалар таклиф қилишга унчалик мойил эмаслар. 30 ёшга тўлганидан сўнг, қоидага кўра, шпорлар бир йиллик шартномалар тузишни афзал кўришади, агар улар узоқроқ шартномалар имзолашса, кейинги трансферни кўзлайдилар. Мисол учун, худди шундай ҳолат бельгиялик марказий ҳимоячи Тоби Алдервейрелд билан содир бўлди, у билан шпорлар 2019 йил охирида - 2023 йилнинг ёзига қадар янги шартнома туздилар. Бироқ шпорлар таркибида тажрибали ҳимоячи бу даврнинг ярминигина ўтказди, кейин эса Қатарнинг «Ал-Дуҳайл» жамоасига фойдали тарзда сотиб юборилди.
Қолаверса, «Тоттенхэм» раҳбариятида Ллорис билан ҳамкорликни узайтириш борасида, ҳатто келишув суммаси бўйича ҳам ўзгариш қилиш имконияти йўқлигини тушуниш керак. Узоқ вақт давомида Уго жамоанинг энг кўп маош олувчи ўйинчиси эди. Кейинчалик Ҳарри Кейн ва Тангуй Ндомбеле ҳам ўзларининг "ёғли" шартномаларини олишди ва бу уч нафари энди шпорларнинг маош рўйхатида биринчи ўринда туришибди.
Маълумки, «Тоттенхэм» президенти Дениел Леви имкон қадар деярли ҳамма нарсада тежашни жуда яхши кўради. Шу сабабли, Льорисни клубни тарк этиши ва анчагина пул тежалиши Левига ёқиб тушиши мумкин. Бироқ, у Льориснинг лондонликларга қанчалик содиқлигини билиши керак. Мисол учун, Кайл Уокер ва Кристиан Эриксен бошқа клубларга ўтишни талаб қилиб, совринсиз ўтиришни орзу қилган вазиятларда француз дарвозабони хотиржам ва содиқ қолди, бунинг учун кўп жиҳатдан ўзининг катта маошини олди.
Хулқ-атвори жиҳатидан Льорис ҳам амалда намунали мутахассис. Унинг ягона «парвози» 2018 йилда, Уго маст ҳолда машина ҳайдаб ушланганида содир бўлган. Аммо Льорисни сардорлик боғичидан маҳрум қилиш ва 600 минг фунт жаримага тортган сабоқдан футболчи тўғри хулоса чиқарди ва келажакда унга ўхшаш ҳеч нарса қайта содир бўлмади.
Англия премьер-лигасининг амалдаги дарвозабонлари орасида фақатгина «Уотфорд»дан Бен Фостер ва «Манчестер Юнайтед»дан Давид Де Хеа «сейв»ларда Уго Льорисдан устун келади. Шу билан бирга, франциялик футболчи қайтарилган пенальтилар сони бўйича энг яхши.
Аслида, Уго Ллорис замонавий «Тоттенхэм»нинг тирик афсонаси. У жамоада бешта мураббий: Андре Виллаш-Боаш, Тим Шервуд, Маурисио Почеттино, Жозе Моуриноь, Нуно Эспирито Сантолар билан ишлаган ягона футболчи бўлиб, ҳозирда Антонио Конте қўл остида ҳаракат қилмоқда.
Очиғини айтганда, «Тоттенхэм» аллақачон Льорисни алмаштиришга уриниб кўрди, 2021 йилнинг ёзида у «Аталанта»дан Перлуиджи Голлини ижарага олган эди, лекин у керакли таассурот. Шу боисдан Конте Льорисни камида яна бир мавсумга жамоада олиб қолишни истайди, гарчи ҳозир Лондонни тарк этиб, янги иш қидириш Угонинг ўзига ҳам тавсия этилмайди. Ва манфаатлар бирлашганда, янги келишувни кутишга арзийди…
