«МЮ»нинг 28 ёшли бразилиялик футболчиси Фред ўзининг жамоадаги ҳозирги ҳолатидан норози ва унинг «манкунианликлар» лагерини тарк этиши мумкинлиги ҳақида хабарлар тарқалган эди.

«Сўнгги бир неча кун ичида мен ўзим ва «Манчестер Юнайтед»нинг бошқа футболчилари ҳақида ёлғон хабарларни ўқиб чиқдим.

Одатда зиддиятли хабарларга очиқ жавоб бермайман, лекин энди буни қилиш вақти келди.

Фақат шуни айтмоқчиманки, клубдаги ҳамма нарса мени қониқтиради, мен ҳеч қачон ўзимнинг норозилигимни ёки кетиш истагимни билдирмаганман. Сохта янгиликларга алданманг», деб ёзади Фред.

Маълумот учун, Фред жорий мавсум АПЛда 15 та ўйинда майдонга тушиб, 2 та гол урди ва битта голли узатмани амалга оширди.