«MYU»ning 28 yoshli braziliyalik futbolchisi Fred o‘zining jamoadagi hozirgi holatidan norozi va uning «mankunianliklar» lagerini tark etishi mumkinligi haqida xabarlar tarqalgan edi.

«So‘nggi bir necha kun ichida men o‘zim va «Manchester Yunayted»ning boshqa futbolchilari haqida yolg‘on xabarlarni o‘qib chiqdim.

Odatda ziddiyatli xabarlarga ochiq javob bermayman, lekin endi buni qilish vaqti keldi.

Faqat shuni aytmoqchimanki, klubdagi hamma narsa meni qoniqtiradi, men hech qachon o‘zimning noroziligimni yoki ketish istagimni bildirmaganman. Soxta yangiliklarga aldanmang», deb yozadi Fred.

Ma’lumot uchun, Fred joriy mavsum APLda 15 ta o‘yinda maydonga tushib, 2 ta gol urdi va bitta golli uzatmani amalga oshirdi.