«Бавария» дарвозабони Свен Улрайх Германия Бундеслигасининг 18-туридан ўрин олган Менхенгладбахнинг «Боруссия»сига қарши ўйин (1:2) ҳақида фикр билдирди.
«Биз бу ўйиндан бутунлай бошқача нарсани кутгандик, гарчи биз анчадан бери фойдаланмаётган схема бўйича ўйнадик. Бу учрашувда уч очко олишни кутгандик. Кўп вазиятларда Бавария яхши ҳаракат қилди. Аммо биринчи бўлимда 20 дақиқа давомида концентрацияни йўқотдик, кейин эса гол ўтказиб юбордик. Шу тариқа биз «Боруссия»га ўйинга қайтишга рухсат бердик», — дея Улрайхнинг сўзларидан иқтибос келтирган «Бавария» матбуот хизмати.
