ПСЖ ҳужумчиси Лионель Месси Франция лигасининг 2021/22-мавсуми 20-туридан ўрин олган “Лион”га қарши ўйинни ўтказиб юбориши мумкин, деб хабар беради “RMC Sport” нашри.
Эслатиб ўтамиз, аввалроқ Месси коронавирус билан касалланган ва Францияга қайтиб, индивидуал машғулотни бошлаган эди. Манбага кўра, аргентиналик футболчи “Лион” билан учрашув олдидан жамоасининг сўнгги машғулотларини ўтказиб юборган. Ўқув-йиғинни қолдириш сабаблари ошкор этилмаган.
Франция Лига-1 мусобақасининг 20-туридан ўрин олган “Лион” – “Пари Сен-Жермен” учрашуви эртага, 9 январь куни Лион шаҳридаги “Стад де Люмер” стадионида бўлиб ўтади. Учрашув Тошкент вақти билан 00:45 да бошланади.
