Daily Mail нашри хабарига кўра, “Интер” “Эвертон”га 33 ёшли ҳужумчи Алексис Санчесни текинга олишни таклиф қилган. “Нерадзуррилар” чилилик футболчини олиб кетишни истамоқда, чунки клуб маошини тўлаш ниятида эмас.
Олдинроқ чилилик футболчини “Барселона” Санчесни ижарага олиши мумкинлиги ҳақида хабарлар тарқалган эди.
Алексис “Интер”да 2020 йилдан буён ўйнаб келмоқда. У “нерадзуррилар” лагерига эркин агент сифатида кўчиб ўтди. Футболчининг миланликлар билан шартномаси 2023 йилнинг 30 июнига қадар тузилган.