“Бавария” ҳужумчиси Роберт Левандовски “Przeglad Sportowy” спорт газетаси томонидан 2021 йилда Польшанинг энг яхши спортчиси деб топилди.

33 ёшли футболчи мухлисларнинг овоз бериши натижасига кўра яна 19 нафар даъвогарлардан устун келди.

Маълумот учун, Левандовски учинчи марта мамлакатнинг энг яхши спортчиси мукофотини олди. У аввал 2015 ва 2020 йилларда ҳам ушбу совринни қўлга киритган.

Ҳужумчи жорий мавсумда клуби сафида барча турнирларда 25 та ўйин ўтказиб, 29 та гол урди ва 3 та голли узатмани амалга оширди.