«Арсенал» устози Микель Артета Душан Влахович трансфери билан боғлиқ хабарларга изоҳ берди. У бу ҳақида шундай дейди:
«Менимча, ҳар бир трансферлар ойнаси биз учун катта имкон саналади. Шунинг учун бундан максимал фойдаланишимиз лозим. Клуб техник директори Эду ҳамда унинг жамоаси трансферлар борасида фаол ҳаракат қилмоқда. Чунки биз ўзимизга нима кераклигини яхши биламиз. Лекин биз истаган футболчилар хариди ҳозир ёки ёзда амалга ошиши борасида бирор нима дея олмайман. Агарда биз унинг тимослида аниқ бизга мос тушадиган ўйинчини кўра олсак, албатта сотиб олишга қаттиқ ҳаракат қиламиз. Трансферлар борасида жуда ҳам очиқ сиёсат юритамиз».
Эслатиб ўтамиз, Влаховичнинг «Фиорентина» билан амалдаги шартномаси 2023 йилнинг июнь ойига қадар тузилган.
