Ҳужумчи Ромелу Лукаку “Челси”ни тарк этиши мумкин.
Ҳужумчи ва “кўклар” бош мураббийи Томас Тухель ўртасидаги муносабатлар футболчи билан баҳсли интервьюдан сўнг ёмонлашган. Лондон клуби хўжайини Роман Абрамович Тухелни тўлиқ қўллаб-қувватлашини билдиради, шу боис немис мутахассиси буни хоҳласа, клуб Лукакуни сотиш тарафдори бўлади.
Ромелу ёзда “Реал”га ўтиши мумкин бўлган Килиан Мбаппега ўринбосар сифатида кўрилмоқда. “Челси” Лукакуни 97,5 миллион фунтга сотиб олди, парижликлар эса футболчининг трансфери учун “кўклар”га 75,5 миллион фунт стерлинг таклиф қилмоқчи. Агар “Челси” уни сотиб олиш учун сарфланган пулнинг катта қисмини қоплаб олса, Абрамович Лукакуни сотишга тайёр, шунинг учун ПСЖнинг таклифи Лондон клубига мос келади.
