“Goal.com” нашри хабарига кўра, 36 ёшли португалиялик фтболчи Криштиану Роналду “қизил иблислар”нинг жорий мавсумдаги натижаларидан, шунингдек, клуб ичидаги вазиятдан норози. Қолаверса, Португалия терма жамоаси футболчисига жамоанинг амалдаги устози Ральф Рангникнинг фаолияти ёқмаяпти. Форвард аллақачон бу вазиятни агенти Хорхе Мендеш билан муҳокама қилган. 

Эслатиб ўтамиз, Роналду 2021 йилнинг августида “Манчестер Юнайтед”га қайтган эди. Жорий мавсумда у 21 та учрашувда иштирок этиб, 14 та гол урди ва 3 та голли узатмани амалга оширди.